Hetjur.

Mín loksins kominn í langþráð jólafrí  aðeins eitt örlítið skólatengt dæmi eftir á mánudag en það er bara smá fundur varðandi leiðsagnarkennara fyrir lokaverkefnið.

Nú er bara að gíra sig niður og fara að njóta aðventunar og svo jólanna. Ég hlakka alveg endalaust mikið til jólanna núna enda verður allt mitt lið í lagi og allir saman.

Mér varð einmitt hugsað til þess í gær hversu breyttar aðstæður eru á þessum bæ.... á sama tíma í fyrra grét ég söltum tárum í piparkökudeigið og vissi ekki hvort hann sonur minn yrði yfirleitt meðal vor næstu daga eða ekki. En ég átti góða að sem minntu mig reglulega á að á meðan það væri líf væri von.... ég er svo þakklát fyrir það.

Svo sannarlega er von á meðan það er líf ogtil eru margar hetjur sem hafa náð að losa sig úr klóm fíknarinnar. Ég er svo lánsöm að þekkja nokkrar svona hetjur sem eru mér ávalt áminning um að ekkert er ógerlegt. Takk hetjurnar mínar fyrir það  

Kærleikskveðja. Kristín

 

Athugasemdir

[Guðný Guðmundsdóttir (IP-tala skráð) 13.12.2008 kl. 13:05]

Kæra Kristín njótið Jólanna öll saman og Guð veri með ykkur nú og um ókomin ár. Kveðja Guðný Guðmundsdóttir...........Hamingjan gefi ykkur gleðileg jól og gleðji og vermi ykkur Miðsvetrarsól, brosi ykkur himininn heiður og blár, og hlýlegt ykkur verði hið komandi ár. GG.

[Birna Dis Vilbertsdóttir (IP-tala skráð) 13.12.2008 kl. 19:36]

Já einmitt á meðan líf er þá er von.Kveðja til þeirra sem ég þekki fyrir austan

[Kristín Snorradóttir, 13.12.2008 kl. 20:49]

Birna mín skila kveðjunni þinni í hvert sinn sem ég fer austur