Frelsi.

Eins og tíðinn hefur verið hér á fróni þá hefur maður ekki getað sest niður við tölvu eitt andartak. Úti úti í sól og sumaryl. Moldvarpast í garðinum sem er allur að taka stakkaskiptum...vá hvað ég er stolt af mér þar og ótrúlega glöð að uppgvötva að ég hef áhuga á þessu.... heheheh... bara í fyrra var ég hörð á að garðar væru bestir malbikaðir með góðum stólum og borði, þannig að sitja mætti við kaffidrykkju þar...hahahaha

Ragnar minn er í góðum gír, fjölskyldan er öll eitthvað svo slök og fín, enginn með áhyggjur af að von sé á skelfilegum fréttum bara allir að njóta. Yndislegt. Yngri börnin svo frjáls, ég sé hvernig tíminn gefur þeim frelsi frá áhyggjum vegna fíknar bróður síns og hvernig þau eru að slaka á og verða eðlilegri í samskiptum við hann, hætt að reyna að vera í réttu hlutverki gagnvart honum, heldur bara orðin þau sjálf.

Ég stefni á að heimsækja hann á sunnudaginn, það verður gaman að sjá hvernig jarðaberjaplönturnar dafna hjá honum, ég gaf honum jarðaberjaplöntur þegar hann átti sex mánaða afmæli fyrir austan.

Farinn út að moldvarpast.

Kærleikskveðja.Kristín

Athugasemdir

[Guðrún Jóhannesdóttir, 4.7.2008 kl. 10:58]

njóttu þín í garðverkunum vinan og megi sunnudagurinn verða ykkur yndislegur.

Ég sendi ykkur alltaf hlýjar kveðjur með kvöldbæninni minni, þið eruð ein af þeim sem eruð komin með fastan sess

[Bergrún Ósk (IP-tala skráð) 4.7.2008 kl. 11:31]

Eigðu yndislega helgi og ég er alveg viss um að jarðaberin dafni jafn vel og börnin þín.. sem eru frjáls

[Sirrý (IP-tala skráð) 4.7.2008 kl. 13:53]

Ég verð að kíkja í þennan garð þegar ég á leið suður í sumar......kannski að maður fái kaffi í garðinum líka ???

Frábært að heyra þetta allt kossar og knús austur á sunnudag.

[Krista (IP-tala skráð) 4.7.2008 kl. 14:34]

Gott að heyra að allt er á góðum gir hjá ykkur. Ég er að fara til Finnlands á morgun og kannski kem ég með eitthvað til að planta í garðinu þínu ;)

[Guðbjörg Erlingsdóttir (IP-tala skráð) 4.7.2008 kl. 19:05]

Það liggur við að ég þurfi að koma í vettvangsferð og taka út garðinn þinn, er amk. orðin mjög forvitin :)

Ég hlakka líka ógurlega til að koma austur og sjá hvernig jarðaberin og sonur vor blómstra !

knús á þig og ofurskutlukveðja

[´Hildur (IP-tala skráð) 4.7.2008 kl. 20:48]

Það er engin smá harka í þér kona góð..  Ég kem í kaffi tiþín við gott tækifæri og kíki á garðinn.

Eigðu yndislega helgi

Kiss og knús

[Kristín Snorradóttir, 5.7.2008 kl. 11:20]

Hér er alltaf kaffi á könnunni og í sumar hefur nú flestum bara verið boðið út í garð í sopan.... svo stelpur mínar velkomnar

[Birna Dis Vilbertsdóttir (IP-tala skráð) 5.7.2008 kl. 13:30]

Það er svo frábært að sjá hversu vel gengur hjá ykkur öllum