Yndisleg ungmenni.

Dásamlegir dagar, Veðrið leikur við höfuðborgarbúa og mitt líf er fullt af gjöfum. Mín alveg stútfull af orku og garðurinn allur að taka stakkaskiptum. Matjurtargarður kominn og búið að setja niður allskyns góðgæti.

Í gær var ég svo lánsöm að hitta nokkur ungmenni sem hafa ratað úr klóm fíknar og eru í góðum bata. Mikið sem það var yndislegt að faðma þau og sjá þau svona falleg með ljóma í augunum. Þau snertu hjarta mitt enda fátt eins magnað fyrir mig eins og að fá að sjá einstaklinga sem hafa villst af leið og lifað ömurleika fíknarinnar snúa til betra lífs og fara að upplifa sanna hamingju. Svo mikið stolt af þeim og þakklát fyrir að fá að þekkja þau. Vænst þótti mér um að þau leituðu mig uppi eftir fund til að heilsa mér.

Kærleikskveðja. kristín

Athugasemdir

[Sirrý (IP-tala skráð) 20.6.2008 kl. 19:31]

Sæl vertu ......gaman að lesa að þú ert búin að finna nýtt áhugamál til að bæta við hin......hérna er garður sem þarf að taka í gegn svo ef þig vantar eitthvað að gera þá kemur þú bara........en það er allt yndislega bjart hjá okkur og lífið gengur frábærlega  smelli á þig línu um helgina og segi þér meira.  Kveðja Sirrý

[Elísabet Markúsdóttir (IP-tala skráð) 22.6.2008 kl. 21:36]

Hæ elsku Stína mín, langaði bara að kasta á þig kveðju, allt gott hjá mér og minni snúllu Ég sakna þess þó að fara ekki í Grímsnesið og sjá allar hetjurnar þar. Knús á ykkur og bestu kveðjur til Ragnars