Dauðans alvara...

Vaxandi nánd.

Undanfarnir dagar hafa einkennst af þokkalegum skammti af stressi, of mikilli frestunaráráttu sem á nú sök á þessu stessi Blush en með barráttu og þrautseigju hefur mér tekist að snúa blaðinu við og framkvæma........sitja við tölvuna og skrifa,skrifa og skrifa. Mín þarf að skrifa heil ósköp fyrir 8.maí í tengslum við vettvangsnámið, svo nú segi ég frestunaráráttunni stríð á hendur Wink það er að segja eftir að ég hef klárað þetta blog LoL

Brenndi austur í fallegu veðri og heimsótti soninn. Hann tók vel á móti mér blessaður og við áttum góðar stundir saman yfir allt of mörgum kaffibollum. Ég fæ gleðihroll þegar ég hugsa um hversu náin samtöl okkar eru orðin. Í dag sagði ég honum frá því hvernig mér leið og hvað við fórum í gegnum þegar hann lenti á gjörgæslu síðasta sumar. Það var greinilegt að hann hafði ekki gert sér grein fyrir því að sá atburður hafði áhrif á alla en það var líka greinilegt að honum þótti mikilvægt að fá að heyra það. Þannig að heimsóknin í dag einkenndist að því að deila einu og öðru með hvort öðru. Mjög dýrmætt fyrir mig InLove

Við ætlum svo öll fjölskyldan að eiga saman dag á miðvikudaginn, þá förum við austur sækjum hann og gerum öll eitthvað skemmtilegt saman..... Þigg góðar hugmyndir að einhverju spennandi og skemmtilegu sem má finna sér til dundurs á suðurlandinu.

Æðislegt þótti mér þegar hann talaði um að nú vildi hann bjóða stórfjölskyldunni í grill... gott að mínu mati að hann vilji fara að rækta þau tengsl sem hann hefur slitið í neyslunni. Svo ég lofaði að hóa í liðið og bjóða heim fyrir hans hönd. Svo þið af fjölskyldunni sem lesið þetta taka næsta sunnudag frá Wink

Fór svo í góða göngu í fjörunni á kjaló eftir að ég kom heim að austan....ekki til að mótmæla bara með hundana mína og jú karlinn Grin

Njótið birtunnar.

Kærleikskveðja.Kristín

Flokkur: Bloggar | 27.4.2008 | 20:09 | Facebook

Athugasemdir

Æ Kristín mín þetta er æðislegt að heyra af þessari heimsókn.......og að Ragnar sé í góðu jafnvægi og sé að standa sig vel í "húsinu" sínu. Væri óskandi að fleiri væru á þessum stað En ég er allavega á góðum stað er komin á fullt í það sem við töluðum um og er bara gaman að því.