Dauðans alvara...

Dóttirinn og sonurinn...

Dagurinn byrjaði á því að skutlast með dótturina út á læknavakt! Mín með undarleg útbrot í andliti og kláða í þeim. Komum á læknavaktina og á móti okkur tók ónefndur læknir.... sem við höfum nú ekki góða reynslu af.... og reyndist heimsóknin til hans í dag ákaflega tilgangslaus, þar sem hann sagði bara einhver flott orð á læknamáli en vissi ekkert hvað var í gangi með dömuna....Svo stefnt er á að komast til alvöru læknis á morgun.

brenndi austur fyrir fjall að heimsækja Ragnar minn. Við áttum góðan dag saman Smile Hann tró mömmu sína í þythokkí á nýja þythokkíborðinu....að sjálfsögðu vann hann og honum til mikillar gleði tókst kellunni að skora sjálfsmark og það tvisvar. Að loknum leik í þythokkí tók við einn billjard og þar rúllaði hann lellunni upp aftur....að því loknu var keppt í fótbolta með nýja fótboltaspilinu og ekki batnaði leikaðferð móðurinnar svo hann hafði sigurinn vísan rétt einu sinni Blush spurning að ég fari að æfa þetta allt saman....hummm

En undir lok heimsóknar tókum við í gamaldags spilastokk...spiluðum kasínu og mamman rúllaði syninum upp Cool

Það var bjart og gott yfir honum syni mínum í dag og það þótti mér gott. Ég sagði við hann að það væri yndislegt að upplifa þessa ró aftur. Við ræddum heima og geima og kvöddumst svo brosandi og sátt.

Eigið góðar stundir.

Kærleikskveðja. Kristín

Flokkur: Bloggar | 6.4.2008 | 17:37 | Facebook

Athugasemdir

Yndislegt að lesa þessa færslu, þrátt fyrir töpin þín.

Minn eldri fékk einu sinni einhver útbrot og við vorum heppin þegar við kölluðum til næturlækni að það var Helgi Valdimarsson sem kom, sonurinn var nefnilega ekki með einhverja af þessum barnapestum heldur með ofnæmi fyrir sulfalyfjum.

Knús