Götubarnið snart mig!

Sjæs... ég er dugleg að finna mér eitt og annað til dundurs nú þegar ég á að sitja sveitt og skrifa þessa líka fræðilegu ritgerð um vinnubrögð þroskaþjálfa. Reyndar sit ég sveitt yfir helv... ritgerðinni... snúin and.... Ritstíflan brast um stund og blaðsíðum fjölgaði  kominn með heilar 12 og þá aðeins eftir 13.....OMG.... eins gott að ritsmíðar andinn komi yfir mig og rúlli þessu upp á no time. Verð að játa vonleysið bankar uppá annað slagið þegar hausinn fer í straff og neitar bara alveg hreint að ná í alla þessa visku og klessa henni á blað.

Annars bara allt gott  Ragnar minn aftur í góðum gír, heyrði í honum á miðvikudag og það var jákvæður tónn í honum þannig að nú hlakkar mig til að fara í heimsóknina á morgun. Fór í dag og keypti lítilræði handa honum sem ég ætla að færa honum á morgun  skemmtilegt að vera aftur að fá löngun til að gefa honum eitthvað.

Ég nefnilega ákvað það að hætta að gefa honum gjafir sem hann gæti selt og þannig fjármagnað neyslu sína. Þessa ákvörðun tók ég fyrir um það bil tveimur árum síðan og hef algerlega staðið við það.... jólagjafir og afmælisgjafir hafa verið vel valdar með það í huga að ekki væri smuga að koma þeim í verð. Hann hefur nokkrum sinnum fengið AA-bókina í afmælis gjöf og mér hefur þótt ágæt huggun í því að ef hann tapar henni er alltaf möguleiki á að hún lendi í höndunum á einhverjum sem getur nýtt sér hana.

Ég hitti eitt af götubörnum Reykjavíkur í vikunni. Yndisleg ljóshærð og falleg stúlka sem var að fara á fund. Hún brosti til mín óörugg í fyrstu....ég lái henni það ekki þar sem hún var ein af þeim sem ég vísaði frá spítalanum þegar Ragnar var á gjörgæslu....en þegar ég brosti á móti kom hún og faðmaði mig og leit upplitsdjörf í augun á mér og sagðist hafa verið edrú í tuttugu og tvo daga og væri að bíða eftir Krísuvík en byggji sem stendur á konukoti. Ég faðmaði hana að mér og sagði henni að hún væri flott edrú og ég vonaði svo sannarlega að nú væri hún tilbúinn til að gera það sem til þyrfti og óskaði henni alls hins besta.. Mér þótti ákaflega vænt um að hún skyldi koma til mín. Það snart mig á einhvern undarlegan hátt að hitta hana, ég veit ekki alveg hvað það var en ég hef hugsað til hennar og beðið fyrir henni og vonast til að hitta hana aftur edrú....Ég held að það sé af því mér finnst líf hvers og eins svo heilagt og svo sorglegt að oft sér fólk ekki að fíklar eru fólk.... vissulega lifa þeir skelfilegu lífi og skilja eftir sig rústir en inní sérhverjum fíkli er manneskja sem svo fáir sjá.

Kærleikskveðja.Kristín

Athugasemdir

[Anna Einarsdóttir, 8.3.2008 kl. 22:40]

Falleg færsla.   

[Guðborg Eyjólfsdóttir, 8.3.2008 kl. 22:43]

Það er óskandi að henni gangi vel með þessa ákvörðun, það er nefnilega málið að fíklar eru líka fólk og meira að segja gott fólk eins og allir aðrir, þetta fólk lendir bara á glapastigum og vonandi kemst það til baka þaðan.

[Guðbjörg Erlingsdóttir (IP-tala skráð) 8.3.2008 kl. 22:54]

Æi Stína,

nú fór ég að gráta, hvar er ofurskutlið í því/eða er það kannski ofurskutlið!

Já fíklar eru fólk!

Gangi þér vel mín kæra, sendi þér styrk.

kveðja

ofurskutlan

[Birna Dis Vilbertsdóttir (IP-tala skráð) 8.3.2008 kl. 22:54]

Góð fæsla

[Ragnheiður , 8.3.2008 kl. 23:09]

Þau snerta mann inn að beini þessi grey sem oft eiga orðið hvergi skjól. Falleg færsla hjá þér Stína mín.

Einn vandræðagemlingurinn "minn" kom og færði mér rækjur um daginn. Hann vantaði aðallega knús frá gömlum vini sinum, og ég knúsaði hann. Því miður gengur ekki alveg nógu vel en ég bíð bara, hann kemur aftur þegar lag er komið á.

[Katrín Ósk Adamsdóttir, 9.3.2008 kl. 00:12]

Falleg færsla hjá þér Kristín mín  Eigðu góðan Sunnudag með Ragnari   Já fíklar eru líka fólk en í neyslunni nýtur sín ekki allt það góða sem við höfum.

[Kristín Snorradóttir, 9.3.2008 kl. 09:41]

Skilgreyning mín á ofurskutlugeninu: Ofurskutlur hafa þrótt til að berjast fyrir þau málefni sem þær trúa á, kærleika til að gefa þeim sem þær mæta og tilfinningar sem eru ekta.....þar af leiðir að tárinn fá að renna óbeisluð þegar hjarta þeirra er snert yfir einhverju gleðilegu eða sorglegu

[Hildur (IP-tala skráð) 9.3.2008 kl. 13:15]

Frábært að löngunin sé komin hjá þér aftur að færa honum Ragnari gjafir, það er svo gaman að gleðja börnin sín og vita að þau njóta þess.. Njóttu heimsóknarinnar til hans

Gangi þér vel með ritgerðina  þetta er allt að koma

["Mamma" (IP-tala skráð) 9.3.2008 kl. 17:19]

Falleg skrif hjá þér í dag Kristín mín. Vonandi var stundin ykkar Ragnars hjá Mumma og co góð og innileg :-)

Hafðu það sem best og KLÁRA svo ritsmíðina stelpa :-)

"Mamma" 

[Guðrún Harðard (IP-tala skráð) 9.3.2008 kl. 17:21]

Falleg færsla.

Minn var með 2 edrú fíkla í heimsókn áðan.Allir frelsaðir   Halelúja- Amen..

Ótrúlega sætir og flottir

Mín er eiginlega bara orðin ástfangin af þessu lífi  

Hlakka til að sjá þig á þriðjudag í foreldrahúsum.

[Guðlaug Þorsteinsdóttir (IP-tala skráð) 9.3.2008 kl. 17:42]

Sæl Kristín mín,

Ég fylgist alltaf með blogginu þínu og hvert skipti sem ég opna það hugsa ég, vonandi er Raggi ekki fallinn. Þau snerta mann öll þessi götubörn, þessi yndislega ljóshærða stúlka sem er að berjast og reyna að standa sig er dóttir mín. Þegar vonleysið hellist yfir og ég hugsa "þetta tekst aldrei ég fæ hana aldrei til baka, ég fæ aldrei að upplifa yndislegt mæðgnasamband eins og ég átti og á með minni móður. Stundum er ég svo tóm inní mér og það vantar eitthvað. Þessi stelpa teiknar eins og engill, syngur fallega líka og elskar dýr, sérstaklega hesta. Þegar hún var lítil þá sagði hún "mamma ég ætla að eiga heima í sveit þegar ég verð stór, hafa alls konar dýr, gæsir líka og þær mega vera hjá mér í eldhúsinu" Ég sakna hennar ógurlega........en ég sakna ekki fíkilsins. Það er málið....

Kær kveðja til þín Stína mín....

Gulla

[Kristín Snorradóttir, 9.3.2008 kl. 17:52]

Elsku Gulla... skil söknuð þinn enda hef ég upplifað hann. Þetta er baráttan þeirra og við getum ekkert gert til að bjarga þeim. Þau verða að eignast þann vilja sem til þarf án okkar afskipta.... og það er okkur erfiðast.

Eins og þú veist þurfti hann Ragnar minnn að fara ansi langt til að komast á þann stað að þiggja leiðsögn ég vona svo innilega að þín fallega dóttir komi til þín edrú og fín svo þið náið að byggja upp þetta samband því á meðan hún er tínd í klóm fíknar verður ekkert heilbrigt samband.

Ég veit hversu erfitt er að eiga barn þarna úti á götu en ég veit líka að það er ekki hægt að hafa fíkill á heimilinu. Svo ég sendi þér kærleika og bið um að þú fáir þann styrk sem þú þarft í þessari baráttu.

Kærleikskveðja.

[Guðlaug Þorsteinsdóttir (IP-tala skráð) 9.3.2008 kl. 18:02]

Takk fyrir, ég veit að þetta er þeirra barátta og vonandi komast þau yfir þetta. Gangi þér vel í rigerðinni, þú ert hörkudugleg kona og frábært hjá þér að skella þér í nám, til þess þarf mikinn kjark og dugnað "á okkar aldri" hehe.....

Kv. Gulla

[Kristín Snorradóttir, 9.3.2008 kl. 18:13]

Takk fyrir falleg orð Gulla mín... Þér er velkomið að senda mér mail,,aftur,, ef þú vilt vera í sambandi. Þið mæðgur eruð í bænum mínum.