Læknadóp!

Ég get nú ekki annað en tjáð mig örlítið um þessa frétt.

Ég talaði um þennan vanda bæði í sjónvarpsþættinum Örlagadeginum og í viðtalinu sem ég veitti Vikunni. Matthías var nú ekki alveg sáttur við mig vegna þess, hringdi í mig heim þar sem honum fannst ég vega að Landlæknaembættinu þar sem þar væri öflug vinna í gangi við að uppræta það að læknadóp færi á göturnar og gerði jafnframt lítið úr því að læknar yrðu fyrir hótunum.

Ég fagna að hann skuli koma fram og opinbera þennan vanda, því við sem þekkjum fíkniheimin vitum að læknadóp er ekki af skornum skammti á götunni og sjáum allt of marga unglinga, jafnvel börn verða þrælar þess.

Mér þykir ákaflega leiðinlegt að Matthías skuli hafa orðið fyrir þessari reynslu og óska honum og hans allls hins besta en jafnframt vona að þetta verði til að harðara eftirlit verði með læknadópi.

http://www.visir.is/article/20080128/FRETTIR01/101280138

Eigið góðan dag.

Kærleikskveðja.Kristín

Athugasemdir

[Guðbjörg Erlingsdóttir (IP-tala skráð) 28.1.2008 kl. 11:59]

Já Kristín, það var og !

Þetta vissum við en hver hefði svo sem trúað því ?

kveðja Guðbjörg 

[Sirrý (IP-tala skráð) 28.1.2008 kl. 14:55]

já það er ekkert annað.  Það er ótrúlegt að læknar skuli gera þetta og eflaust margir sem trúa þessu ekki.

En ég hefði viljað sjá þennan þátt Örlagadag.....svona missir maður af sumu þegar maður er ekki á klakanum en sumt er hægt að horfa á netinu en ekki þetta

Kveðja

Sirrý

[Guðrún Harðard (IP-tala skráð) 28.1.2008 kl. 16:15]

Já,það er sko kominn tími til að taka á þessum vanda,-læknadópavanda.

og það hver er að hringja eftir lyfseðli.

Það er ekkert verið að vega að landlæknaeftirlitinu.Þetta er spurning upp á líf og dauða,ekki meðvirkni lækna og landlæknaeftirlitinu.

Kærleikskv.Guðrún

[Kidda (IP-tala skráð) 28.1.2008 kl. 18:47]

Það er alveg óhætt að trúa því að sumir læknar eru ansi frjálslegir með lyfseðlana, jafnvel án hótanna. Magnið af læknadópi sem er á markaðnum er ótrúlega mikið. Bæði af lyfjum sem víma fæst af og einnig lyf sem engin víma fæst af en eru seld fíklunum í þeirri trú að um vímuefni sé að ræða. Þar koma reyndar ekki læknar að sem sölumenn.

[Kristín Snorradóttir, 28.1.2008 kl. 22:34]

Mér finnst einmitt mjög varhugarvert að það sé hægt á þessari tölvuöld að skrifa út svo mikið magn af lyfjum að það séu menn að selja þetta á götunum. Ég get bara ekki skilið af hverju ekki er hægt að koma í veg fyrir læknadóp á götunni.

Læknadópið er dópið sem hefur verið að drepa hann son minn, ásamt öðru ólöglegu dópi.......

[Ásthildur Cesil Þórðardóttir, 29.1.2008 kl. 13:13]

Ég er sammála ykkur með það að það er ótrúlegt hve mikið er í gangi af þessu læknadópi, og hve auðvelt virðist vera að útvega sér það.  Reyndar fékk minn drengur eitthvað svona á heilsugæslustöðinni hér á árum áður, fékk daglegan skammt, en þeir fylgdust ekki með því hvernig hann tók þetta inn, því hann muldi töflurnar og sprautaði þeim beint í æð.  Ótrúlegt að hann skuli ennþá vera á lífi. 

En mikið þekki ég vel til þegar ég les bloggið þitt Kristín mín.  Knús

[Alexandra Guðný Guðnadóttir, 29.1.2008 kl. 18:17]

það er svakalegt hvað fólk notar læknadóp í ussumsvei.Sem betur fer þá er ég hrædd við þetta og læt þetta eiga sig og fæ einga fíkn ef ég þarf að fara á sterk verkjalif eða fá morfín í æð..'Eg þakka Guði fyir það úfff... En verð að segja það að ég lærði margt inn í meðferðini hvað maður getur notað læknadóp í... koss og knús Allý