Veðravíti...

Það er vitlaust veður  Var vakinn við símtal frá ragnari þar sem hann hafði áhyggjur af því að við kæmumst ekki vegna veðurs en sagði jafnframt til að halda voninni að starfsmaður hefði komist og við kæmumst ábyggilega ef við keyrðum hægt

Ætla að sjá til, ég er lítið fyrir að leika mér af náttúruöflunum. Finnst alveg hrikalega leiðinlegt að komast ekki en tek ekki sensin á að leggja alla fjölskylduna í óþarfa áhættu. Þannig að eins og Guðbjörg kommentaði við síðustu færslu: gengur bara betur næst og verður þá bara enn skemmtilegra að hitta hann. Hefði samt viljað sjá hana Þóru áður en hún kveður og fer í sólina og ömmu Gyðu.

En það er nú ekki öll von úti enn  ég trúi því að mér sé ætlað að komast og fá súkkulaðiköku aðeins að bæta á mjaðmirnar, ekki mega þær nú rýrna

Eigið góðan dag.

Kærleikskveðja. Kristín

Athugasemdir

[Ragnheiður , 27.1.2008 kl. 10:55]

Hm já ég þarf að fara á milli bæjarfélaga í dag og mér líst ekki alveg á það. Það á að skíra litla snúðinn í dag og amma verður að reyna að komast þangað.

[Guðrún Jóhannesdóttir, 27.1.2008 kl. 13:14]

eigum við ekki bara að krossleggja fingur og óska þess að það lægi ögn

Góða ferð og njóttu dagsins kæra mín 

Sendi Ragnari þínum kærleiks og heilunarljós

[Maddý (IP-tala skráð) 27.1.2008 kl. 13:17]

Ég ætla nú bara ekki út úr húsi á meðan veðrið er svona, svakalega gott að vera heima í hlýjunni, Hellisheiðin er lokið og veðrinu er ekkert að slota strax, njóttu bara dagsins og láttu þér hlakka til þegar veðrið batnar og allar leiðir opnast aftur.  Knús á þig

[Sirrý (IP-tala skráð) 27.1.2008 kl. 13:18]

Ég veit að "amma Gyða og afi Jói" lögðu af stað og ætluðu að freista þess að komast alla leið að kveðja Þóruna sína áður en að hún skellir sér í sólinna til mín, því ekkert verður stoppað í borginni áður en hún kemur svo þetta eru síðustu forvöð. Ég ligg hérna á bæn um að þið komist alla leið og fáið kökubita sem búið var að baka. Núna er klukkan 14:15 hjá mér og er ég klukkutíma á undan, ég vona að þið séuð öll að komast á áfangastað það er mikil eftirvænting eftir ykkur öllum og þá sérstaklega Ragnari, þar sem þið hafið ekki hisst svo lengi.  Vona að þið eigið gleðilegan dag öll saman.

Bíð eftir fréttum

Kveðja

Sirrý

[Gyða (IP-tala skráð) 27.1.2008 kl. 13:26]

Kristín mín við erum komin heim aftur lögðum af stað en snérum við eftir að við höfðum samband við veðurstofuna og þar var sagt að allt væri lokað í bili, svo við fórum bara heim aftur með allar nýbökuðu pönnukökurnar og prinsessutertuna sem við keyptum í bakaríinu. En við ætlum að athuga seinna í dag, vonum að veðrið gangi niður. Ég hafði samband austur og allir skilja þetta og bíða bara róleg. hjartans kveðjur frá ömmu Gyðu.

[Kristín Snorradóttir, 27.1.2008 kl. 13:43]

Við höfum haldið okkur heima, enda veðrið ekki okkur í hag  en ég hringdi austur og þar var kolvitlaust veður og bara að bæta í vind. Þar skilja allir að við veðrið fær engin ráðið.

Dóttirinn er heldur svekkt, hana var farið að hlakka til að fá bróðir sinn til baka. Það er jú alveg frábært.

En við vonum að veðrinu sloti og fært verði austur.... í það minnsta næsta sunnudag.

Gyða mín við verðum bara að mæla okkur mót og hittast sem fyrst