Bullandi fíkn...

Yrði ekki hissa þó minn yrði kominn aftur á götuna fyrir jól  Hann er drulluveikur en hausin á honum er úti og í bullandi fíkn.

Hitti hann aðeins í gær og minnn maður er búin að vera með ofsjónir og er illa áttaður....svo vantar honum svo agalega einhvern bakpoka!

Æ ég vona að hann hangi inni þar til yfir jólin, það er einhvernvegin svo ömurlegt að vita af honum í greni á meðan við hin kílum okkur út af jólamat og tilheyrandi. Ég hef ákveðið að kaupa ekki jólagjöfina hans fyrr en á Þorláksmessu. Ég keypti ekki afmælisgjöfina hans fyrr en á afmælinu hans eflaust er þetta einhver vörn en ég sé ekki ástæðu til að kaupa gjöf og vita ekki hvort ég get afhent hana.

Annars er mín ágæt bara, tók aðeins smá hreingerningu í eldhúsinu og komst að því að ekki hef ég nú verið dugleg að baka  í bökunarskúffunni var meira og minna allt útrunnið  svo spurning um að taka sig á í því hlutverki.

Ætla að fara út í vonda veðrið og versla inn í jólabaksturinn.

Kv. Kristín

Athugasemdir

[Sesselja (IP-tala skráð) 14.12.2007 kl. 15:05]

Vona innilega að hann verði áfram inni og fari að láta sér batna !  Að minnsta kosti ert þú á réttri leið,

 Baráttukveðjur

PS. Bið fyrir ykkur

Sesselja

[Guðbjörg Elín Heiðarsdóttir, 14.12.2007 kl. 15:10]

Ég finn til með ykkur að þurfa að hafa alla tíð áhyggjur af aðstandanda sem er í bullandi fíkn og veikur eða ekki í neyslu en er samt veikur. Ég er aðstandandi og er búin að fá að kynnast þessu. Fyrir hver einustu jól myndast spenna á heimilinu og maður veit aldrei í hvorn fótinn maður á að stíga til að allt fari ekki í háaloft fyrir og yfir jólahátíðina. Gangi ykkur vel.

[Kristín Snorradóttir, 14.12.2007 kl. 16:39]

Sesselja mín... Takk fyrir yndislega kveðju og hrósið, ég veit að ég hef unnið vel í mér og ætla bara upp á við eins hátt og ég kemst. Það á ég svo mörgum góðum að þakka, þar á meðal þér

Guðbjörg...ég hafði lengi óbeit á jólunum þar sem þau höfðu verið erfiðasti og leiðinlegasti tíminn í mínu lífi lengi. Ég hef lært í dag að þrátt fyrir að sorg sé í hjartanu yfir stöðu sonarinns þá get ég notið jólanna í faðmi hinna barnanna minna og mannsins míns. Jólin eru yndislegur tími en það er sárt að vita af sínum nánustu illa förnum á fíknisjúkdómi á þessum tíma.

[Elísabet Sóley Stefánsdóttir, 14.12.2007 kl. 18:15]

Vonandi kemst hann yfir þetta, þetta er svo erfitt og getur tekið svo langann tíma.  ég vona innilega að hann komist yfir þetta og haldist inni yfir jólahátíðina. 

 Ég var einmitt líka að taka minn skáp í gegn áðan og viti menn ýmislegt var hent hehe

kveðja Elísabet

[Ragnheiður , 14.12.2007 kl. 18:41]

Vonandi vonandi tollir hann inni yfir hátíðarnar. Týndi einmitt Hjalla ein jólin og ég fæ enn tár í augun þegar ég minnist þess, það var svo hræðilega sárt og erfitt.

[Kristín Snorradóttir, 14.12.2007 kl. 19:12]

Já það er vont að hafa auðan stól á jólunum, en við fáum ekki við allt ráðið. Ég bið þennan sem þú ert reið útí Ragnheiður mín að vernda minn

[Ragnheiður , 14.12.2007 kl. 20:16]

Hehehe já ..ég verð vísast ekki reið við hann lengi. Stundum fær maður algerlega upp í kok ..........

[Kristín Snorradóttir, 14.12.2007 kl. 20:48]

Jamm.. maður fær uppí kok en svo rennur aðeins af manni reiðin og maður mýkist og hættir að reyna að skilja vilja herrans  en veit innst inni að einhver er tilgangurinn með þessu öllu.