Spennufall.

Þá eru prófin frá  Svo framundan er að sinna sjálfum sér af alúð og gera allt mögulegt sem manni dettur í hug til að dekra líkama og sál....Það veitir sko ekki af eftir þessa törn því oft hefur verið mikið að gerast í kringum mig á prófatímabili en aldrei eins og nú

Ég ætla að byrja á því að hæla sjálfri mér!!! ég NÁÐI aðferðarfræðiprófinu  svo mín er bara hörkunagli.

Nú mig langar að þakka Ingibjörgu Sólrúnu utanríkisráðherra alveg sérstaklega fyrir kvittið við færsluna fjölskyldusjúkdómur, en að sama skapi lýsa yfir hvað mér þykir leiðinlegt að ekki sjást nöfn fleirri þingmanna eða ráðherra....... það koma jú aftur kosningar......ég sendi mail á slatta af þingmönnum og ráðherrum. Ég mailaði reyndar líka á fjölmiðlafólk og Sirrý kvittaði um hæl og eitthvað hef ég heyrt frá fleirri fjölmiðlum sem hafa áhuga á að fjalla um málið.

Sonurinn er búin að ala manninn á götunni og í dópgrenni ekki langt frá mér ég hef haft spurnir af honum, frekar neikvæðar eins og gengur með fíkla sem eru stjórnlausir á götum borgarinnar. En hann mætti hér heim í gær fékk lánaðan heimasíman til að hringja á meðferðarstaðinn sem hann var á og viti menn hann var tekinn inn og ég veit ekki betur en að hann sé þar enn, hef ekkert heyrt en veit af fenginni reynslu að það kemur í ljós fljótlega.

Alla vega er friður eins og er.

Mín fór í síðasta prófið í morgun, gékk bara þokkalega.... bíst við að hafa náð, allavega þar til annað kemur í ljós. Eftir próf fórum við sex stykki úr bekknum á Ítalíu og fengum okkur góðan hádegismat til að fagna próflokum og langþráðu jólafríi..Svo kom mín heim og er búin að vera eins og sprungin blaðra í allan dag, sofa og dorma alveg algerlega orkulaus eftir lesturinn, átökin og svefnleysið.

Kvittið er og verður enn í gangi líka færslan með styrktarlínu Foreldrahúss.

Takk fyrir yndislega góð og hlý komment.

Eigið góðar stundir.

Kv:Kristín

Athugasemdir

[Ragnheiður , 7.12.2007 kl. 22:25]

 jæja það er gott að hann er þar, er á meðan er. Dugleg varstu að ná þessu prófi, þú ert snillingur og rúllar þessu upp bara.

Kær kveðja til þín

[Kidda (IP-tala skráð) 8.12.2007 kl. 00:40]

Gott að prófin eru búin, þá kemur svona akveðið spennufall, þá er gott að þaðsé komin helgi.

Vonandi er þetta rétt og að hann fái að vera þar þann tíma sem hann þarf.

Knús

[Elísabet Sóley Stefánsdóttir, 8.12.2007 kl. 02:59]

Góða fréttir Stína mín,  Til lukku með aðferðarfræðiprófi og próflokin og vonandi verður stráksi inni eins lengi og hann þarf

 Njóttu þess að vera komin í frí frá skóla :-)

knús og kram Elísabet

[Huldabeib, 8.12.2007 kl. 12:38]

Til hamingju með að vera búin í prófunum!! Vona að Guð gefi þér gleðileg jól og Ragga í öruggu skjóli.

[Anna Guðbjörg Sigmarsdóttir, 8.12.2007 kl. 17:42]

Til hamingju með próflokin og að pilturinn skuli vera á öruggum stað segi eins og Ragnheiður "er á meðan er "  svo er bara að vona að hann klári þetta núna.

[Íris Björk (IP-tala skráð) 8.12.2007 kl. 21:19]

Elsku Stína mín,  til hamingju með prófin ;) Ég vona að Ragnar verði sem lengst inni núna. Bið að heilsa familíunni,

kv Íris Björk.

[Ásthildur Cesil Þórðardóttir, 9.12.2007 kl. 12:54]

Gott að hann komst inn.  Minn er ennþá að bíða eftir innlögn á Vog, það gengur víst misvel að komast þangað inn.  Og fer sýnist mér ekki hvorki eftir röð né þörf.  En til lukku með að þinn er komin inn.  Það er óumræðilegur léttir miðað við að vita af honum á götunni, þessum tíma líka. 

[Ragnheiður , 9.12.2007 kl. 19:52]

Hetjan mín flottust í sjónvarpinu áðan...knús á þig