Áhyggjuefni!

Það er áhyggjuefni hve mikið af ungum ökumönnum eru teknir undir áhrifum áfengis eða ávanalyfja á ökutækjum. Við hin sem erum algáð í umferðinni getum ekki sætt okkur við þetta. Spurning hvort ekki þurfi að efla forvarnarvinnu á þessu sviði og hækka sektir við þá sem aka undir áhrifum, það virðist sem það eina sem virkar er að koma við budduna hjá fólki!!!!!

Góða helgi. Kv. Kristín

Úti að aka undir áhrifum áfengis og fíkniefna

Athugasemdir

[Ragnheiður , 26.10.2007 kl. 16:17]

Ég held að buddan virki ekki heldur hjá þeim. Minn sat endalaust inni, gat ekki borgað sektir. Hann var löngu próflaus og ók samt. Hann var samt ekki akandi kolskakkur og fullur, bara próflaus og of hratt, slasaði aldrei neinn sem betur fer.

Ég hef stungið upp á því áður og geri það enn. Samfélagsþjónusta innan um þá sem hafa slasast alvarlega í umferðarslysum ? Gæti það virkað ?

[Birgir Þór Bragason, 26.10.2007 kl. 16:53]

Það eru ekki bara ungir ökumann, þetta er fólk á öllum aldri konur og karlar. Mér þykir frekar leiðinlegt að sjá þessu klínt á unga fólkið.

[Kristín Snorradóttir, 28.10.2007 kl. 18:10]

Ragnheiður... mikið rosalega finnst mér þetta flott hugmynd... ég vildi sjá að þetta yrði framkvæmt.

Birgir... ég er ekki að klína á unga fólkið, heldur hef ég áhyggjur af þeim en læt þá fullorðnari um að hugsa um sig.

[kidda, 29.10.2007 kl. 11:37]

Það er alltaf hægt að redda skuldum með einum eða öðrum hætti. Of langur prófmissir getur valdið akstri án réttinda. Minn ók í vor undir áhrifum fíkniefna, kolruglaður. Gerði það tvisvar á stuttu tímabili. En það ásamt fleiru varð til þess að hann ákvað að hætta í dópinu.

Samfélagsþjónusta innan um þá sem hafa slasast í umferðinni væri sennilega besta ráðið.  

 Því miður er það nú svo að fólk sem er drukkið eða undir áhrifum fíkniefna eru margir svo ruglaðir að þeir gera sér ekki grein fyrir afleiðingunum sem geta hlotist af svona akstri.

Svo er spurning um eitt, sonur minn lenti í þrætum við vinkonu sína sem hélt því blákalt fram að það væri ekkert í lögum sem bannaði akstur undir áhrifum fíkniefna.  Eru fíklarnir eitthvað að misskilja hvað sé bannað og hvað ekki?