Einn fíkniefnasalin frá í bili.

Gott mál að stoppa þenna mann við að selja en að sama skapi spurning hverju er varið að ná fram hann fer og afplánar og svo byrjar hann aftur!!!

Það eru alla vega meiri líkur en ekki, mér finnst vanta að fangelsin séu betrunarhús eða að minnsta kosti að menn hafi möguleika á að fá betrun, það þýðir ekkert að betra menn sem ekki vilja breytast. Þetta virðist alltaf verða einn vítahringur... maður gleðst þegar dópsalar nást... þá sleppa einhverjar æðar við efnin.... svo fyllist maður aftur reiði yfir dómskerfinu..... stuttir dómar og fangelsið takmarkaður staður..... pirr pirrr......

Ég á mér eina heita ósk.... hún er sú að þjóðfélagið vakni og virkilega opni augun fyrir þeim staðreyndum sem eru í gangi á götum Reykjavíkurborgar, þarna úti er dimm veröld og þessi dimma veröld er að taka alltof mörg börn til sín....ég veit það því ég þekki þau nokkur....

Af hverju eru þessir menn og konur sem við kjósum svona hrædd við að bretta upp ermar og gera eitthvað í málefnum fíkla og aðstandenda þeirra?

Væri gaman að fá svar við því.

Kv.Kristín

Fangelsi fyrir fíkniefna- og vopnalagabrot

Athugasemdir

[Geiri (IP-tala skráð) 12.10.2007 kl. 18:40]

Það er ósættanlegt að vera settur á biðlista til þess að komast í meðferð... í mörgum löndum er það normið að fíkilinn geti farið samdægurs þegar hann tekur þessa mikilvægu ákvörðun.

Vandamálið er einmitt það að aðgerðirnar eru í vitlausum enda. Fíkniefni munu alltaf verða aðgengileg, þegar fíkniefnasali er sendur í steininn þá er alltaf einhver sem er tilbúinn til þess að taka við af honum. Yfirvöld eru að eyða milljörðum í að reyna að koma í veg fyrir sölu/innflutning og eru ekki að ná mikið meira en nokkrum prósentum af heildarmagninu. Það er erfitt að hjálpa þeim sem vilja ekki hjálp og því er mikilvægt að enda ósigrandi eltingaleik og lýta á fíkn sem heilbrigðisvandamál en ekki glæpamál, fleirum verður bjargað með því að setja fjármagnið í meðferðarúrræði og forvarnir.

Svo verður Ísland auðvitað aldrei fíkniefnalaust á meðan ÁTVR er starfandi, ríkið er nefnilega stærsti fíkniefnasali landsins og selur sterk og skaðmikil efni.

[Valur (IP-tala skráð) 12.10.2007 kl. 23:09]

Tilvist ÁTVR hefur engin áhrif á að landið sé vímuefnalaust eða ekki. Ef það færu þá mundi almenningur brugga heima hjá sér eins og gerðist víða um heim þegar reynt var að banna áfengi. Og eins og hver maður veit þá er mjög misvel að heimabruggi staðið, frekar mundi ég vilja að fólk gæti fengið gæðavottaðan pela í ÁTVR en tréspírabrúsa úr klósettbrugginu hjá nágrananum.

En ég er sammála því að það sé verið að taka á fíkniefnavandanum frá kolrangri hlið. Maður sem dæmdur er fyrir fíkniefnamisferli fær háa sekt og er stungið inn. Það sem býður hans þegar hann kemur út eru skuldasúpa sem hann ræður ekki við og flestir vinnuveitendur gera kröfu um sakavottorð svo atvinna er af skornum skammti. Þannig að samfélagið ýtir í raun ógæfufólki beinustu leið aftur í ógæfuna en básúnar svo að það sé að reyna að hjálpa þeim.

[Ben (IP-tala skráð) 12.10.2007 kl. 23:50]

Annaðhvort er eitthvað í þessu máli sem ekki kemur fram eða eru dómar yfirleitt svona vægir?

[Ragnheiður , 13.10.2007 kl. 12:19]

Mér barst óvænt Vikan og ég las þar viðtal við þig, langaði að hrósa þér fyrir það.

[Kristín Snorradóttir, 13.10.2007 kl. 16:09]

Ragnheiður... takk fyrir það