Sannarlega rétt!

Þetta er sannarlega rétt hjá Karli en það þyrfti að fá ráðamenn þjóðarinnar til að sjá þetta! Því til að ná einhverjum árangri í baráttunni gegn fíkniefnum þurfa að koma einhverjir peningar úr kassanum hjá þeim í þau málefni.

Mér er minnistætt þegar sameining varð á lögregluembættum höfuðborgarsvæðisins þá gaf ríkistjórnin það út (sama dag ef ég man rétt) að ekki yrðu hækkuð fjárframlög til löggæslu en sýnileg skildi hún verða. Þvílíkur brandari á ferð hjá ríkisstjórninni.

Líka þarf að gera sér grein fyrir því að ekki er nóg að ná að klófesta litlu peðin í fíkniefnaheiminum, heldur þessa stóru sem eru að markaðsetja og fjármagna. Það eru ekki sölumennirnir sem selja á götu úti þeir eru bara á spena hjá einhverjum stærri löxum.

Kv.Kristín

Breyttur fíkniefnamarkaður

Athugasemdir

[Halla Rut , 26.9.2007 kl. 17:38]

Ég held bara að yfirvöld og stjórnmálamenn ger sér enga grein fyrir hve fíkniefnaheimurinn er orðin stór á Íslandi enda fáir þeirra ef nokkur sem hefur kynnst þeim hryllingi að eigin raun.  

[Kristín Snorradóttir, 26.9.2007 kl. 18:24]

Einhverjir þeirra þekkja til hans en það er nú bara þannig að auðveldara er að loka augunum fyrir því sem er vont en að sama skapi er meiri manndómur í að horfast í augu við vandan og taka á honum.