Blessun er yfir barni þó fíkill sé.

Jæja ég er svo aldeilis þakklát fyrir hvernig oft eru leiddar til okkar lausnir sem við eigum ekki von á.

Sonurinn mætti hér óvænt í gærdag, heldur illa á sig kominn, skítugur og aumur. Ég setti mig í gírinn og bjó mig undir að þurfa að vísa honum frá, sem alltaf er það erfiðasta sem maður gerir þó maður viti að það sé það eina í stöðunni.

En allavega ca.10 mín eftir að hann birtist hringir bóndinn minn og segir mér það að lögreglan hafi hringt í sig og að þannig sé búið að ganga frá hans málum að hann eigi pláss inná Vog í fyrramálið og svo fari hann beint í úttekt, þar sem Ragnar minn var hér spurði ég hann hvort hann vildi þyggja þennan kost og hann svaraði játandi  Svo það var úr að hann fékk að vera hérna heima í nótt en einungis gegn því að hann færi ekkert út og ég fengi að leita á honum.

Hann var hér enn í morgun og fór á Vog kl. 10 í morgun og er allavegana þar núna. Svo kemur bara í ljós hvort hann verður þar áfram eða fer þaðan út.

Þetta er leið lögreglunar til að koma honum af götunni og í úttekt, í hans tilfelli er þetta kanski eina tækifærið hans. Á meðan hann stendur sig og er inná Vogi að gera eitthvað af viti á hann möguleika á því að fara í uppbyggilegri refsingu... sem sagt inná góðan gang á Litla Hrauni eða jafnvel í Kópavoginn..

Hann var ansi framlár í morgun enda fráhvörfin búin að vera að stigmagnast frá því í gær og slæmur húðlitur á honum grár eftir condagilið og hendurnar bláleitar, ekki gott blóðflæði þar.

En ég er ánægð, nú allavegana veit ég hvar hann er og vona bara að hann gangi ekki út af Vogi eins og oft áður.

Það gefur manni ákveðna ró að vita af unganum  á Vogi..

Svo nú er bara að leggjast á bæn og biðja þess að hann verði inná Vogi fram að úttekt.

Veit það hljómar eflaust undarlega fyrir suma að móðir vilji barn í úttekt en það gæti einmitt bjargað hans lífi.

Kærleikskveðjur.

               Kristín.

Athugasemdir

[Ragnheiður , 27.11.2007 kl. 17:09]

"sumir" skilja líklega ekki líf okkar mæðranna með fíklana okkar. Ég þarf eiginlega endilega að fá email frá þér eða að þú addir mér inn á msn ið þitt ef þú ert með svoleiðis. Mitt er [e-mail]

[Ókunnug (IP-tala skráð) 27.11.2007 kl. 17:11]

Ég dáist að því viðhorfi sem kemur fram í því sem þú skrifar og óska þér og þínum alls hins besta.  Líkast til þekkirðu nú þegar hjálpina sem býðst hjá Al-Anon fjölskyldudeildunum (www.al-anon.is) en ef ekki, verið bæði innilega velkomin.

[Kristín Snorradóttir, 27.11.2007 kl. 17:31]

Ragnheiður... takk fyrir það adda thér á msn e-mailið mitt er [e-mail] ég er þass fullviss að við getum stutt hvor aðra.

Ókunnug takk jú það er rétt ég þekki Alanon og sporinn  án þess væri ég ekki á þeim stað sem ég er andlega í dag.... hittumst vonandi á fundi, þú pikkar í mig ef þú sérð mig.

[kidda, 27.11.2007 kl. 17:37]

Gott að heyra að hann sé kominn inn á Vog. Stundum leysast málin á ótrúlegan hátt Vonandi bjargar þetta honum frá neyslunni og helst Hrauninu

[Anna Guðbjörg Sigmarsdóttir, 27.11.2007 kl. 18:01]

mikið varð ég glöð að lesa að sonur þinn er kominn á Vog  og á leiðinni á hraunið eða Kópavoginn. þó svo að við þekkjumst ekki þá þekki ég þessa líðan og veit versu mikill léttir það er að vita af fíklinum sínum á öruggum stað þó svo að sá staður sé fangelsi.

[Anna Guðbjörg Sigmarsdóttir, 27.11.2007 kl. 18:02]

Gangi ykkur allt hið besta í framtíðinni

[Kristín Snorradóttir, 27.11.2007 kl. 18:11]

Takk takk... já það er mikill léttir fólgin í því að vita af fíklinum á öruggum stað, þó það sé fangelsi... Mér finnst bara svo frábært að lögreglan skuli finna leið til að taka hann úr umferð hans vegna og annara..

Ekki hlægja að mér ég er eitthvað að fikta við bloggið.... þessvegna koma nýjar myndir af mér.

Hafið góðar stundir.

[Elísabet Sóley Stefánsdóttir, 27.11.2007 kl. 19:17]

Góðar fréttir.  Vonandi mun hann komast yfir fráhvörfin með hjálp og haldast inná Vogi.  Sendi ykkur enn og aftur góða strauma

kveðja Elísabet

[Anna María (IP-tala skráð) 27.11.2007 kl. 20:00]

Frábært að heyra.... knús og kram... ég vonandi sé þig á fimmtudaginn áður en við skellum okkur í próflesturinn...

[Kristín Snorradóttir, 27.11.2007 kl. 20:10]

Ég kem á fimmtudag  knús og kram

[Birgitta (IP-tala skráð) 27.11.2007 kl. 20:37]

Frábært að heyra að Ragnar sé kominn á Vog.  Alveg ótrúlegt hvernig örlögin eru stundum.      Já og betra að vita svo af honum í fangelsi en á götunni því guð einn veit hvað þau eru að gera.

Bið æðislega að heilsa.

P.s  frábært ljóð hjá bóndanum þínum. 

[Binnan, 27.11.2007 kl. 22:18]

Gott að vita af stráknum á betri stað! Óska honum og ykkur fjölskyldunni alls hins besta!

[Huldabeib, 27.11.2007 kl. 22:36]

Takk fyrir að skrifa svona hreinskilningslega um þetta... ég var ekki sömu megin við borðið og þið hjónin heldur hinum megin. Það er alltaf von á að hann nái sér, bara ekki missa hana. Ég er búin að vera edrú í rúm fimm ár en mamma einmitt lokaði á mig til að ég sæi ljósið!

Knús á ykkur og Raggi verður í bænum mínum.

[Júlíana (IP-tala skráð) 28.11.2007 kl. 11:23]

Hæ elskan það er gott að vita af því að hann er kominn inn á Vog, ég sé þig vonandi á fundinum í  kvöld!

 kær kveðja

Júlíana

[Kristín Snorradóttir, 28.11.2007 kl. 15:06]

Júlína mín kæra... ég kem á fundin og hlakka til að njóta nærveru þinnar

[Ragnheiður , 28.11.2007 kl. 22:56]

 ég er bara að láta þig sjá að ég hugsa til þín.

[EK (IP-tala skráð) 30.11.2007 kl. 20:54]

sæl

Ég er búin að vera lesa bloggið hjá þér og varð að senda þér baráttukveðju , sonur minn er 18 ára og i meðferð inni á vogi , kær kveðja EK